बिदेसीहरु नेपाल अाएर तिहार मनाउछन् ‘नेपाली नेता बिरोध गरेर खुसी’ मनाउछन्

पोखरा रेन्बो चिल्ड्रेन होम की १९ वर्षीय सम्झना पौडेल यस वर्ष पनि पर्यटकलाई भाइटीका लगाउने तयारी गर्दैछिन्। विगत ४ वर्षदेखि उनले विदेशी पर्यटकलाई भाइटीका लगाउँदै आएकी छिन्। उनी मात्र होईन चिल्ड्रेन होमका ९–१० जनाले विदेशी पर्यटकलाई टीका लगाउँछन्।

‘यस वर्ष पनि हामीले विदेशी पर्यटकलाई टीका लगाउने तयारी गरिरहेका छौँ,’ सम्झनाले भनिन्, ‘आफ्नो संस्कार संस्कृतिको बारेमा जानकारी दिँदै विदेशी पर्यटकहरुबीच भाइटीका लगाएर नाता जोड्न पाउँदा निकै खुशी लाग्छ।’

सम्झनाले भाइटीका लगाउँदा विदेशी पर्यटक पनि रमाउने बताइन्। ‘उनीहरु पनि एकदमै खुशी हुन्छन्, सप्तरंगी टीका, सयपत्री, मखमलीको माला, शिरमा ढाका टोपी लगाएर भाइमसलाका साथ अन्य परिकार खुवाउँछौ, उनीहरुले दक्षिणा दिन्छन्,

एक पटक भाइटीका लगाएका पर्यटक अर्को पटक पनि आउने गरेको सम्झनाले सुनाइन्। ‘कति नेपाल आएको बेला चिल्ड्रेन होममा दिदी बहिनी छन् भन्दै भेट्न आउँछन्, कति त तिहारको टीका लगाउनकै लागि नेपाल आउँछन्,’ उनले भनिन्।

विगत वर्षजस्तै यस वर्ष पनि भाइटिका लगाउन निकै उत्साहित छिन्, ७२ वर्षीया हिल्टेज भान मिक्किरिन। नेदरल्याण्डकी नागरिक हिल्टेजले भाइटीका पर्व एकदम मनपर्ने बताइन्। वर्षमा एक पटक नेपाल घुम्न आउने गरेको सुनाउँदै उनले यस वर्ष पनि भाइटीका कार्यक्रममा सहभागी भएर टीका ग्रहण योजना बनाउँदै छिन्।

‘मैले गत वर्ष पनि भाइटीका लगाएकी थिएँ, अहिले पनि लगाउँछु, यो पर्वले नेपालसँग सम्बन्ध जोडेको छ, आफन्तहरु पाएकी छु,’ उनले भनिन्, ‘संस्कार, संस्कृतिले मानिसहरुलाई भावात्मक रुपमा गाँस्छ, र झनै आत्मीय बनाउँछ।’

त्यस्तै भाइटीका कार्यक्रममा सहभागी हुन चिनियाँ पर्यटक छायोपिन पनि पोखरा आउने भएका छन्। घुमघाममा काठमाडौँ रहेका उनी भाइटीकाको दिन पोखराका आउने बताए।

‘मैले तिहारको भाइटीका कुरिरहेको छु, म भाइटीका लगाउन पोखरा आउँछु,’ छायोपिनले भने, ‘पोखरामा मेरी बहिनी छिन्, यो पर्व धर्मसँग नभई भावनासँग जोडिएकाले तिहार मनाउने गरेको हुँ।’

उनले बहिनीले सात रंगको टीका, माला र ढाकाको टोपी लगाइदिने र आफूले दक्षिणा दिने उल्लेख गरे। नेपालमा दिदीबहिनी बनाउन पाउँदा खुशी लागेको उनले बताए। भाइटीकाले दुई देशका नागरिकबीच भातृत्वको सम्बन्ध स्थापित गरेको उनको भनाई छ।

पोखरा आन्तरिक तथा बाह्य पर्यटकको रोजाइको गन्तव्य हो। प्राकृतिक सुन्दरतासँगै ऐतिहासिक धार्मिक सांस्कृतिक महत्व पनि पोखराले बोकेको छ।

नेपाल राष्ट्रिय पर्यटन व्यवसायी संगठन गण्डकी प्रदेश अध्यक्ष गोविन्दराज पहारी तिहारको झिलिमिली, देउसीभैलो, सयपत्री, गोदावरी, मखमली फूलका मालाहरुले वातावरण उत्सवमय भइरहेका बेला पोखराको लेकसाइडमा हुने भाइटीका महोत्सवले पनि विदेशी पर्यटकलाई थप हौस्याएको बताउँछन्। देशसञ्चारको सहयोगमा

Loading...
प्रकाशित मिति २२ कार्तिक २०७५, बिहीबार १२:३३