के हो कपाल प्रत्यारोपण, के यसको साइड इफेक्ट छ ?

जसरी एउटा बिरुवालाई उखालेर अर्को खाली स्थानमा रोपिन्छ र त्यो बिरुवा विस्तारै ठूलो हुँदै जान्छ । उक्त बिरुवालाई काँटछाँट अनि स्याहार सुसार गर्दै गइयो भने राम्रो हुन्छ ।’ त्यही प्रक्रिया हो कपाल को पनि ।

कपाल प्रत्यारोपण भनेको आफ्नै शरीरको कुनै भागको कपाललाई निकालेर कपाल नभएको ठाउँमा रोप्ने प्रक्रिया हो । जस्तोः टाउकोको पछाडिको भाग, साइडको भाग, दाह्री अनि छातीको कपाल; जुन कहिल्यै झर्दैन, यस्ता स्थानका कपाललाई निकालेर कपाल नभएको ठाउँमा रोप्नु नै कपाल प्रत्यारोपण हो ।

निधार र तालुको कपाल धेरै झर्छ । यो हर्मोनल डिफेक्टले गर्दा हुने हो । कपाल प्रत्यारोपण गर्न चाहने व्यक्तिमा कुनै पनि प्रकारको रोग छैन र ऊ स्वस्थ्य अवस्थामा छ भने तुरुन्तै प्रत्यारोपण गर्न सकिन्छ ।

तालुपना कुनै रोग होइन । विश्वमा ५० देखि ६० प्रतिशत पुरुषमा तालुपना हुन्छ । त्यसैगरी १० देखि २० प्रतिशत महिलामा पनि तालुपना हुन्छ । यो वंशाणुगत हुन्छ । यस्तोमा कपाल रोप्न मिल्छ । महिलाहरूले पनि कपाल प्रत्यारोपण गर्न सक्छन् ।

कपाल प्रत्यारोपण दुई प्रकारको हुन्छ । एक आफ्नै शरीरको कपाल रोप्ने र अर्को फाइबरको प्रयोग । फाइबर एक आर्टिफिसियल कपाल भएकाले त्यति राम्रो मानिदैन ।

कपाल प्रत्यारोपण गर्दा आफ्नै शरीरको कहिल्यै नझर्ने कपाललाई निकालेर रोपिने भएकाले यसको कुनै साइड इफेक्ट हुँदैन । रोपेको कपाल विल्कुलै ओरिजिनल कपाल हो । मजाले आफूलाई मन पर्ने साइजमा काँट छाट गर्न सकिन्छ । कपाल र शरीर स्वस्थ्य छ भने यो लाइफ टाइम रहन्छ ।

Loading...
प्रकाशित मिति २६ कार्तिक २०७५, सोमबार ०९:०९