धर्मकर्ममा प्रचण्ड : दर्शन गर्न पुगे म्याग्दीको गलेश्वरधाम !

नेपाल कम्युनिष्ट पार्टी (नेकपा) का अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’पत्नि सीतालाई उपचार गराउन म्याग्दीक तातोपानीकुण्ड पसगेका छन् ।

सोही क्रममा म्याग्दीको प्रसिद्ध धार्मिकस्थल गलेश्वर शिवालयमा अवलोकन तथा दर्शन गरेकाा छन् । अध्यक्ष प्रचण्ड र गृहमन्त्री रामबहादुर थापाले समेत बेनी नगरपालिका–९ स्थित गलेश्वर मन्दिरको दर्शनसमेत गरेका हुन ।

नौ रोपनी क्षेत्रफलमा फैलिएको चट्टानमाथि अवस्थित रहेको गलेश्वर मन्दिरसँगै ढुङ्गामाथि कहिल्यै नसुक्ने जलकुण्ड, चट्टानमाथि पलाएका शिलालगायतको समेत अवलोकन गराइएको थियो ।

मुक्तिनाथ प्रवेशद्वारको रुपमा रहेको गलेश्वरको ऐतिहासिक महत्व र यहाँको समस्याबारे जानकारी लिन अवलोकन भ्रमण गरिएको अध्यक्ष दाहालका निजी सचिव जोगबहादुर महराले जानकारी दिए ।

बेनी नगरपालिका–४ मा रहेको तातोपानी कुण्डमा नसासम्बन्धी रोगबाट पीडित दाहालपत्नी सीताको उपचारको सिलसिलामा सोमबार म्याग्दी आएका अध्यक्ष प्रचण्डसहित गृहमन्त्री रामबहादुर थापा र उनकी पत्नी नैनकलासहितको टोलीले आज दुई पटक तातोपानीमा डुबेर स्नान गर्ने तयारी छ ।

यसरी प्रचण्ड पछिल्लो समय प्राकृतिक उपचार तथा धर्मकर्म अास्था राख्दै गएको प्रष्टै बुझ्न सकिन्छ ।

Loading...
प्रकाशित मिति २७ कार्तिक २०७५, मंगलवार ०९:०९