विश्वकै धनी गाउँ हरेक व्यक्ति करोडपति भएको..,कसरि भए करोडपति.?

हरेक गाउमा कोहि मात्र धनि मान्छे हुने गर्दछन । तर संसार*मा यस्तो एउटा गाउ छ जहा सबै व्यक्ति धनि छन् । गाउँको नाम सुन्नेबित्तिकै धेरै मानिसको मनमा कच्ची घर, भत्किएका सडक, बिजुली–पानीको सुविधा नभएको तस्बीर आउँछ ।

विश्वमा यस्तो पनि गाउँ छ, जहाँको प्रत्येक मानिससँग आलिशान महल, टल्किने गाडी र खातामा दुई करोड रुपैयाँभन्दा बढी सम्पत्ति छ । कुनै काल्पनिक कथा होइन, यो चीनको एक वास्तविक गाउँ हो ।

चीनको जियाङसु प्रान्तमा रहेको हुवाक्सी गाउँलाई विश्वको सबैभन्दा धनी गाउँको रुपमा मानिने गरिएको छ । यो गाउँलाई चीनको ‘सुपर भिलेज’को रुपमा पनि चिनिने गरिएको छ ।

चीनको आर्थिक राजधानी संघाईभन्दा १३५ किलोमिटरको दूरीमा रहेको छ । यो गाउँमा एक दर्जनभन्दा बढी मल्टिनेसनल कम्पनीहरु रहेका छन् ।

यो गाउँ इतिहासमा भने यस्तो धनी थिएन । कुनै समय यो गाउँको मानिसहरु निकै गरिब थिए । यो गाउँलाई स्थानीय कम्युनिष्ट पार्टीका नेता वू रेनाबोले सफलताको शिखरमा पु¥याएका थिए ।

यो गाउँमा उल्लेख्य मात्रामा खेती पनि हुने गरेको छ । रेनाबोले सामूहिक खेतीलाई बढावा दिँदै अन्तर्राष्ट्रिय कम्पनीहरुलाई पनि आकर्षित गरेका थिए ।

अहिले यो गाउँमा विदेशी कम्पनीहरुले कराडौं डलर लगानी गरिरहेका छन् । धेरैजसो घरहरु एकै प्रकारका रहेका छन् र हेर्दाखेरी यो घरहरु कुनै होटलभन्दा कमका छैनन् ।

यो गाउँमा जुवा र लागूऔषधमा प्रतिबन्ध लगाइएको छ । गाउँका मानिस*हरु मिडियासँग कुरा गर्दैनन् ।

यो पनि पढ्नुस : दुप्चेश्वर महादेव मन्दिर नुवाकोट जिल्ला को राउतबेसी गाविसमा अवस्थित धार्मिक पर्यटकीय स्थल हो । विशेषगरी जोडी जुराउन र सन्तान माग्नकै लागी यस स्थानमा भक्तजनहरु दुप्चेश्वर महादेव पुग्ने गर्दछन् ।सदरमुकाम विदुरदेखि पूर्वमा रहेको राउतवेंशी गाविसको दुप्चेश्वर महादेवको मन्दिरमा यस्तो आस्था बोकेर जाने भक्तजनको आकर्षणले पछिल्लो समयमा सांस्कृतिक तथा धार्मिक महत्वलाई उजागर समेत गरिरहेको छ ।

हरेक वर्षको पुस महिनामा धान्यपूर्णिमाका अवसरमा साताव्यापी विषेश मेला, शिवरात्री, साउन महिना तथा हरेक सोमबार दुप्चेश्वर मन्दिरमा मेला लाग्ने गर्दछ ।यहाँ मुख्यतः सन्तान नहुने दम्पतिहरु सन्तान माग्न आउने र महादेवको भक्तिपछि दैवी शक्तिले सन्तान प्राप्त हुने विश्वास गरिन्छ । धान्यपूर्णिमादेखि एकसाता लाग्ने मेलालाई परम्परादेखि चल्दै आएको मेला नेपालकै सन्दर्भमा भने अलि अनोठो र फरक छ ।

‘जे माग्यो त्यही पूरा हुने’ धार्मिक विश्वास रहेको यस मन्दिरलाई हिन्दू र वौद्ध धर्मालम्बीहरुले दोस्रो पशुपतिनाथको रुपमा पुकार्दै आएका छन् । विषेशगरी निःसन्तान दम्पतिको इच्छा पूरा गरिदिने भएकोले मेलामा भीड लाग्ने गरेको दुप्चेश्वर संरक्षण समितिले बताएको छ ।दुप्चेश्वरको दर्शन गर्नाले मनले चिताएको पुग्ने, पुत्र प्राप्ती हुने, लामो समयसम्म नबोल्ने बालबच्चा बोल्ने विश्वासमा यहाँ टाढाटाढाका भक्तजनहरु भाकल गर्ने र भाकल पुरा भएपछि पनि महादेवको दर्शनका लागि यहाँ आउने गर्दछन् ।

छोराछोरी नभएकाको सन्तान, विवाह नभएकाको विवाहको लगन गराइदिन प्रार्थना गर्ने गरेको र इच्छा पूरा पनि भएको धेरै भक्तजनहरुको अनुभव पनि यहाँ सुन्न पाइन्छ ।दुर्गम क्षेत्र समेत मानिने यस धार्मिक स्थलमा रहेको दुप्चेश्वर मन्दिर सातसय मिटरभन्दा अग्लो चट्टानको पहरोमा अवस्थित छ । मन्दिरको फेदीमा रहेको तादी नदीबाट बनाइएको घुमाउरो छिँडी हुँदै पालैपालो भक्तजनहरुले पूजा र दर्शनका लागी उक्लने गरेका छन् ।

दुप्चेश्वर महादेवको उत्पत्ति:

पौराणिक कथनअनुसार चारसय वर्षअघि स्थानिय एक तामाङको दुहुनो गाई गोठालोमा हराएपछि खोजी गर्दै जाँदा छङ्गाछुरको पहरोमा आफ्नो चारै थुनबाट दुध चढाइरहेको भेटिएपछि सो ठाउँमा दुप्चेश्वर महादेव रहेको विश्वासमा प्रत्यक वर्ष धान्यपूर्णिमाका दिन विषेश मेला लाग्दै आएको छ ।अर्कोतर्फ, समुन्द्र मन्थनपछि निस्किएको कालकुट विष सेवनले रन्थनिएका महादेव गोसाइकुण्ड जाँदा दुप्चेश्वरमा आएको जनश्रुती पाइन्छ ।

त्यसैले सोही स्थानमा दुधेश्वर महादेव उत्पती भएका र पछि अपभ्रश भई दुप्चेश्वर नामाकरण भएको अर्को किंवदन्ती पाइन्छ । दुप्चेश्वर महादेवको मेला भर्न राजधानी काठमाण्डौं, धादिङ, रसुवा, सिन्धुपाल्चोक, मकवानपुर, गोरखा, चितवन लगायत देशका विभिन्न भागहरुबाट यहाँ वर्षेनी हजारौँ दम्पती भक्तजनहरु महादेवसँग सन्तान माग्न आउने गरेका छन् ।धार्मिक पर्यटनको गन्तव्यको रुपमा गतिलो सम्भावना बोकेको यस मेलामा तामाङ, शेर्पा जातिका परम्परागत संस्कृतिको प्रदर्शन रोचक र अनौठोसँग हेर्न पाइन्छ ।

सरकारी स्तरबाट यहाँ कुनैपनि पर्यटकिय महत्वको प्रचारप्रसार नभएकोले मेलाबाहेक अन्य समयमा यहाँ आउनेको संख्या अति नै न्यून रहेको दुप्चेश्वर मेला संरक्षण तथा व्यवस्थापन समितिले जनाएको छ ।दुप्चेश्वर महादेव जस्ता धार्मिक एवम् ऐतिहासिक सम्पदाको संवद्र्धन र प्रचारप्रसार गरी आन्तरिक एवम् वाह्य पर्यटकहरु भित्र्याउन सके नुवाकोटको मात्र नभई राष्ट्रिय आर्थिक समुन्नतिमा महत्वपूर्ण देन रहने बुद्धिजिवीहरुको विश्वास छ ।

Loading...
प्रकाशित मिति १२ भाद्र २०७६, बिहीबार ०८:१४