यूएईबाट मेडिकल सामग्री लिएर काठमाडौँ आएको जहाज फर्किदा छुर्पी लिएर जाने

२५ जेष्ठ २०७७, आईतवार काठमान्डौ , आइतबार दिउँसो १ बजेसम्म काठमाडौँ आकाशमा ३ वटा जहाज देखिए । यीमध्ये २ वटा अन्तराष्ट्रिय र एउटा आन्तरिक थियो । आन्तरिक जहाज नेपालगञ्जबाट काठमाडौँ आएको जहाज आन्तरिक क्रु मेम्बर (चालक दलका सदस्य) लिन आएको आएको हो । आन्तरिक तर्फ अहिले रेस्क्यु उडान भईरहेका छन् भने फाट्टफुट्ट चार्डर उडान पनि भईरहेका छन् । आज नेपाली आकाशमा देखिएको चीनबाट आएको जहाज भने काठमाडौँमा अवतरण गर्न आएको होइन ।

नेपालको अनुमतिमा सगरमाथा क्षेत्रको सर्भेय गर्नका लागि नियमित रुपमा चिनियाँ जहाज उडिरहेको छ । आज नेपाली आकाशमा देखिएको चिनियाँ जहाज पनि सोही निरन्तरता भएको त्रिभुवन विमानस्थल कार्यालयले जनाएको छ ।काठमाडौँमै अवतरण गर्न संयुक्त अरब इमिरेट्स (यूएई) बाट एयर अरेबियाको जहाज आएको छ । यूएईबाट मेडिकल सामग्री लिएर चार्डर उडानमार्फत काठमाडौँ आएको उक्त जहाज फर्किदा छुर्पी लिएर जानेछ । छुर्पी लिएर जानकै लागि बेला बेला चार्डर जहाज आउने गरेको विमानस्थलले जनाएको छ ।

नेपालबाट डग फुड (कुकुरको खाना) का लागि भनेर छुर्पी निर्यात हुँदै आएको छ ।‘उताबाट सामान जम्मा गरेर लिएर आएको हो’ विमानस्थलका प्रवक्ता देवचन्द्रलाल कर्णले भने, ‘यताबाट पनि केही सामान जम्मा गरेर लैजान्छ । यसरी आउने जहाजले विशेष गरी छुर्पी लिएर जाने गर्छन् ।’यसरी फर्किने जहाजले हरियो तरकारी पनि लिएर जाने गरेका छन् ।सिधाकुरा

सेल्फ क्वारेन्टाइनमा बस्दा पालना गर्नुपर्ने १५ नियम

१. म पर्याप्त भेन्टिलेसन भएको कोठामा एक्लै बस्नेछु र यो सम्भव नभएमा छुट्टै ओछ्यानमा सुतिरहेको अर्को व्यक्तिसँग कम्तिमा १ मिटर दूरी राख्नेछु ।

२. म छट्टै वाथरूम र शौचालयको प्रयोग गर्नेछु र यदि यो सम्भव नभएमा प्रयोग गरेपछि बाथरूम र शौचालय आफै सफा गर्नेछु ।

३. म आफू बस्ने कोठा आफै सफा गर्नेछु ।

४. म घरभित्र साझा रूपमा प्रयोग हुने ठाउँहरू जस्तै भान्सा, शौचालयमा मेरो आवातजावतलाई सीमित गर्नेछु । यी साझा ठाउँहरूमा पर्याप्त भेन्टिलेसन भएको वा झ्याल खुला रहने सुनिश्चित गर्नेछु ।

५. म स्वास्थ्य संस्था जान बाहेक अन्य कामको लागि घर बाहिर जाँदिन । म काममा, विद्यालयमा वा सार्वजनिक क्षेत्रहरूमा जाँदिन र सार्वजनिक यातायातको प्रयोग गर्दिन ।

६. म नियमित रूपमा आफ्नो हात साबुन र पानीले मिची मिची २) सेकेन्डसम्म धुनेछु वा हात सफा राख्न अल्कोहलयुक्त हेन्ड सेनिटाइजर प्रयोग गर्नेछु । म हात नधोइ मेरा आँखा, नाक र मुख छुनबाट जोगिनेछु ।

७ मैले प्रयोग गर्ने गिलास,कप, खाना खान प्रयोग हुने भाडा, तौलीया रुमाल,ओछ्यान वा अन्य सामानहरू घरका अन्य व्यक्तिहरूसँग साझा प्रयोग गर्दिन । प्रयोग गरेपछि यी सामानहरू म साबुन र पानीले सफासँग धुनेछु ।

८. म अन्य व्यक्तिहरूसंग प्रत्यक्ष सम्पर्क गर्ने छैन ।

९. यदि अन्य व्यक्तिहरूसंगको सम्पर्कमा आउनु पर्दा म कम्तिमा १ मिटर (३ फिट) को दुरी राख्नेछु र म अर्को व्यक्तिसँग एउटै कोठामा हुँदा र स्वास्थ्य संस्था जाँदा मास्क लगाउनेछु ।

१०. खोक्दा वा हाच्छिउँ गर्दा म मेरो मुख र नाकलाई टिस्यु, रुमाल र कुहिनाले छोप्नेछु ।

११. म आफ्नो कोठाबाट प्रयोग गरिएको टिस्यु, रूमाल, मास्क र अन्य चीजहरू छुट्टै फोहोर फाल्ने ठाउँमा फाल्नेछु र फालेपछि तुरून्तै कम्तिमा २० सेकेन्डसम्मका लागि आफ्नो हात साबुन र पानीले मिची मिची धुनेछु । रूमाल वा पुन प्रयोग गर्ने कपडा साबुन र पानीले सफासँग धुनेछु र यसलाई घाममा राम्ररी सुकाएपछि मात्र प्रयोग गर्नेछु ।

१२. म स्वास्थ्य तथा जनसंख्या मन्त्रालयबाट प्राप्त निर्देशनहरूको पालना गर्नेछु र आवश्यक सहयोगको लागि सधैं तयार रहनेछु ।

१३. म क्वारेन्टाइनमा रहँदा आफ्नो शरीरको तापक्रम दैनिक एक पटक जाँच्नेछु र दिइएको फाराममा रेकर्ड गर्नेछु । मलाई दिईएको निर्देशन अनुसार १४ दिनसम्म मेरो दैनिक स्वास्थ्य स्थिति बारे तोकिएको स्वास्थ्य निकायमा जानकारी दिनेछु ।

१४. कुनै पनि स्वास्थ्य समस्या देखिएको खण्डमा वा क्वारेन्टाइनमा बस्दा अन्य केही समस्याहरू भएमा तोकिएको स्वास्थ्य निकायवाट प्राप्त निर्देशनहरू अनुरूप गर्नेछु ।

१५. म स्वास्थ्य तथा जनसंख्या मन्त्रालयसंगको पूर्व अनुमति बिना क्वारेन्टाइन स्थान भन्दा बाहिर यात्रा गर्ने छैन । आवश्यक भएमा यहाँ सम्पर्क गर्न सक्नु हुनेछ ।

Loading...
प्रकाशित मिति २५ जेष्ठ २०७७, आईतवार १२:१५