लकडाउनको समयमा गाडीको किस्ता तिर्न नसकेपछि नदीमा हाम फालेका युवाको शव भेटियो

लकडाउनको समयमा गाडीको किस्ता तिर्न नसकेपछि नदीमा हाम फालेका युवाको शव भेटियो

काठमाडौं । लकडाउनको समयमा किस्ता तिर्न नसक्दा कम्पनीले गाडी नियन्त्रणमा लिएको दुई दिनपछि एक युवकले मनोहरा खोलामा हाम फालेका छन्। सिप्रदी ट्रेडिङ कम्पनीले लकडाउनको अवधिको किस्ता नतिरेको भन्दै गाडी नियन्त्रण लिएपछि तनावमा रहेका युवकले सोमबार मनोहरा खोलामा हामफालेका हुन्। रामेछापको मन्थली–३ घर भएका ३४ वर्षीय सानुबहादुर कार्कीको शव मंगलबार बिहान सवा १० बजे भेटिएको छ। उनले दुई वर्ष अगाडि सिप्रदी ट्रेडिङ कम्पनीबाट किस्तामा पैसा तिर्ने गरी गाडी खरिद गरेका थिए। अन्नपुर्ण पोष्टमा यो खबर छ ।’

सामान्य मर्मतका लागि रामेछापबाट गाडी ल्याएर शुक्रबार नैकापस्थित कम्पनीको ग्यारेजमा गाडी राखेको र आइतबार गाडी बनेपछि कम्पनीले नियन्त्रणमा लिएको पारिवारिक स्रोतको दा’बी छ। लकडाउनमा गाडी चलाउन नमिलेपछि मर्मतका लागि कम्पनीमा लगेको अवस्थामा बा ५ ख २८४४ नम्बरको उनको गाडी कम्पनीले राखेको हो। ‘दुःख गरेर किनेको गाडी थोरै किस्ता बाँकी हुँदा कम्पनीले नियन्त्रणमा लिएको भन्दै उहाँ दुःखी हुनुहुन्थ्यो’, उनका गाउँले प्रदिप रोकाले भने, ‘कम्पनीले गाडी लगेपछि उहाँ मानसिक रुपमा विक्षिप्त हुनुहुन्थ्यो।’

फाइल फोटो
रोकाका अनुसार कम्पनीले लकडाउन अगाडिको तीन र लकडाउन अवधिको चार गरेर एकैपटक सात किस्ता तिर्न द’बाब दिएको थियो। उनले तत्काल ५० हजारको चेक दिने र विस्तारै किस्ता हाल्ने बताउँदा बताउँदै कम्पनीले गाडी नियन्त्रणमा लिएपछि उनी तनावमा भएको प्रदिपले सुनाए। काठमाडौँको जडिबुटीमा बस्ने उनले सोमबार बिहान १० बजे मनोहरा नदीमा हामफालेको उनका आफन्तले बताए। सरकारले नै लकडाउनको अवधिको किस्ता नलिन आह्वान गरेको अवस्थामा मजदुरको गाडी खोसिएको र त्यही तनावले ज्यान गएको भन्दै कानुनी उपचारको बाटो खो’जिने अखिल नेपाल यातायात मजदुर संघका वरिष्ठ केन्द्रीय उपाध्यक्ष दिपक केसीले बताए।

सेल्फ क्वारेन्टाइनमा बस्दा पालना गर्नुपर्ने १५ नियम

१. म पर्याप्त भेन्टिलेसन भएको कोठामा एक्लै बस्नेछु र यो सम्भव नभएमा छुट्टै ओछ्यानमा सुतिरहेको अर्को व्यक्तिसँग कम्तिमा १ मिटर दूरी राख्नेछु ।

२. म छट्टै वाथरूम र शौचालयको प्रयोग गर्नेछु र यदि यो सम्भव नभएमा प्रयोग गरेपछि बाथरूम र शौचालय आफै सफा गर्नेछु ।

३. म आफू बस्ने कोठा आफै सफा गर्नेछु ।

४. म घरभित्र साझा रूपमा प्रयोग हुने ठाउँहरू जस्तै भान्सा, शौचालयमा मेरो आवातजावतलाई सीमित गर्नेछु । यी साझा ठाउँहरूमा पर्याप्त भेन्टिलेसन भएको वा झ्याल खुला रहने सुनिश्चित गर्नेछु ।

५. म स्वास्थ्य संस्था जान बाहेक अन्य कामको लागि घर बाहिर जाँदिन । म काममा, विद्यालयमा वा सार्वजनिक क्षेत्रहरूमा जाँदिन र सार्वजनिक यातायातको प्रयोग गर्दिन ।

६. म नियमित रूपमा आफ्नो हात साबुन र पानीले मिची मिची २) सेकेन्डसम्म धुनेछु वा हात सफा राख्न अल्कोहलयुक्त हेन्ड सेनिटाइजर प्रयोग गर्नेछु । म हात नधोइ मेरा आँखा, नाक र मुख छुनबाट जोगिनेछु ।

७ मैले प्रयोग गर्ने गिलास,कप, खाना खान प्रयोग हुने भाडा, तौलीया रुमाल,ओछ्यान वा अन्य सामानहरू घरका अन्य व्यक्तिहरूसँग साझा प्रयोग गर्दिन । प्रयोग गरेपछि यी सामानहरू म साबुन र पानीले सफासँग धुनेछु ।

८. म अन्य व्यक्तिहरूसंग प्रत्यक्ष सम्पर्क गर्ने छैन ।

९. यदि अन्य व्यक्तिहरूसंगको सम्पर्कमा आउनु पर्दा म कम्तिमा १ मिटर (३ फिट) को दुरी राख्नेछु र म अर्को व्यक्तिसँग एउटै कोठामा हुँदा र स्वास्थ्य संस्था जाँदा मास्क लगाउनेछु ।

१०. खोक्दा वा हाच्छिउँ गर्दा म मेरो मुख र नाकलाई टिस्यु, रुमाल र कुहिनाले छोप्नेछु ।

११. म आफ्नो कोठाबाट प्रयोग गरिएको टिस्यु, रूमाल, मास्क र अन्य चीजहरू छुट्टै फोहोर फाल्ने ठाउँमा फाल्नेछु र फालेपछि तुरून्तै कम्तिमा २० सेकेन्डसम्मका लागि आफ्नो हात साबुन र पानीले मिची मिची धुनेछु । रूमाल वा पुन प्रयोग गर्ने कपडा साबुन र पानीले सफासँग धुनेछु र यसलाई घाममा राम्ररी सुकाएपछि मात्र प्रयोग गर्नेछु ।

१२. म स्वास्थ्य तथा जनसंख्या मन्त्रालयबाट प्राप्त निर्देशनहरूको पालना गर्नेछु र आवश्यक सहयोगको लागि सधैं तयार रहनेछु ।

१३. म क्वारेन्टाइनमा रहँदा आफ्नो शरीरको तापक्रम दैनिक एक पटक जाँच्नेछु र दिइएको फाराममा रेकर्ड गर्नेछु । मलाई दिईएको निर्देशन अनुसार १४ दिनसम्म मेरो दैनिक स्वास्थ्य स्थिति बारे तोकिएको स्वास्थ्य निकायमा जानकारी दिनेछु ।

१४. कुनै पनि स्वास्थ्य समस्या देखिएको खण्डमा वा क्वारेन्टाइनमा बस्दा अन्य केही समस्याहरू भएमा तोकिएको स्वास्थ्य निकायवाट प्राप्त निर्देशनहरू अनुरूप गर्नेछु ।

१५. म स्वास्थ्य तथा जनसंख्या मन्त्रालयसंगको पूर्व अनुमति बिना क्वारेन्टाइन स्थान भन्दा बाहिर यात्रा गर्ने छैन । आवश्यक भएमा यहाँ सम्पर्क गर्न सक्नु हुनेछ ।

Loading...
प्रकाशित मिति १० असार २०७७, बुधबार १९:२३