बझाङमा अनौठो चलन थाहा पाउदा दुनिया नै चकित

बझाङ, ११ असार । असार महिनामा किसानहरुलाई रोपाइँको चटारोले भ्याई–नभ्याई छ । कतिले रोपाइँ सिध्याएका छन् भने कतिपयले सुरु गर्दै छन् । बझाङमै पनि कतिपय ठाँउमा रोपाइँ सुरु भएको छैन भने कतिपय ठाँउमा सकिन लागेको छ । तर जिल्लाको छबिसपाथिभेरा गाउँपालिका वडा नम्वर ६ को थली जिउलोमा भने अचम्मको चलन रहेको छ । जहाँ एकै दिन रोपाइँ र एकै दिन धान काट्ने काम सुरु गर्ने चलन पुस्तौँदेखि चलिआएको छ ।

पहिला–पहिला महिनावारी भएका महिला र युवतीहरुले रोप्न नपाउने चलन रहेको भए पनि अहिले भने रोप्न सुरु गरेका छन् । पुस्तौँदेखिको चलनअनुसार थली जिउलामा बुधबारदेखि रोपाइँ सुरु भएको छ । अन्य ठाँउमा आफूहरुको समय मिलाएर रोपाइँ गर्ने चलन भए पनि यस क्षेत्रमा भने सबै एकै दिन सुरु गर्नु पर्दछ ।

थली जिउलोमा झण्डै एक सयभन्दा बढी परिवारको बसोवास रहेको छ । यहाँ पुजारा, जप्रेल, थापा, रोकाया, बुढा, चलाउने र सिंह थरका मानिसहरुको बसोबास रहेको छ । पुजाराहरुले रोपाइँ सुरु नगरेसम्म अन्य थरका कसैले पनि रोपाइँ सुरु नगर्ने चलन पुस्तौँदेखि चलिआएको छ । पुजारा परिवारले रोपाइँ सुरु गरेकै दिन अन्य थरकाले पनि सुरु गर्ने गरिन्छ । सोही अनुसार धान पनि काट्ने चलन रहेको स्थानीय नरेन्द्र दौल्यालले बताए ।

उनले भने, ‘पुजारा परिवारहरुले रोपाइँ सुरु नगरेसम्म अन्य थरका मानिसहरुले रोपाइँ सुरु गर्दैनन् । रोपाइँ सुरु गर्नुअघि रोपाइँमा जाने सवैले नुहाईधुवाई गरी शुद्ध भएर मात्रै रोपाइँ सुरु गर्ने चलन रहेको छ । रोपाइँ सुरु भएको दिन बिसौना चौरमा मेला लाग्ने भए पनि विस्तारै यो चलन हराउँदै गएको छ ।’

यसरी एकैसाथ धान रोप्दा फाँटभरि रमाइलो दृश्य समेत देखिने गर्छ । यसपटक पनि एकैसाथ पूरै फाँटमा रोपाइँ भएपछि त्यसमा आकाशको सेतो बादल परावर्तन भएरु रमाइलो दृश्य देखिएको छ ।

पहिले–पहिले थली जिउलामा एकै जातको धान लगाउने चलन भए पनि अहिले भने फरक–फरक जातको धान लगाउन थालिएको स्थानीय भैरव पुजाराले बताए । धान काट्ने बेला पनि सुरुमा पुजाराहरुले धानको बाला काटी दुर्गाको मन्दिरमा चढाई दुर्गालाई खिर पकाएर चढाउने चलन पनि रहेको छ । साविकको सैनपसेला र लेकगाउँका बासिन्दाबीच ‘मैलडो’ तानातान हुने गर्दछ । तर युवा पिँढीले चासो नदेखाएपछि यो चलन विस्तारै हराउँदै गएको उनको भनाइ छ ।

राती मोबाईल प्रयोग गर्दा हुने हानीहरु छोटकरीमा

तौल बढ्ने

सुत्ने बेलामा मोबाईल फोन प्रयोग गर्नाले मेटाबलिज्म प्रोसेसमा असर पर्छ । जसले गर्दा हाम्रो तौल बढ्छ ।

समस्या समाधानमा कठीन

सुत्ने बेलामा मोबाईल प्रयोग गर्नाले हामी त थाक्छौ नै यसका साथै हाम्रो ब्रेन पनि थाक्ने गर्छ । जसका कारण कुनै पनि समस्याको सजिलै समाधान निकाल्न सकिदैन । हामीमा सोच्ने शक्तिको कमी हुन्छ ।

दिमागलाई असर

सुत्ने बेला मोबाईल फोनको प्रयोग गर्नाले दिमागलाई धेरै सोच्नु पर्ने हुन्छ । जसका कारण मेमोरी लसको समस्या पनि उत्पन्न हुन सक्छ ।

अंधेरोमा मोबाईल प्रयोग गर्नाले आँखामा धेरै प्रेशर पर्छ । जसले गर्दा आँखा रातो र कमजोर हुने समस्या हुन सक्छ । यसले आँखाको समस्या बढ्ने गर्छ ।

निन्द्रामा समस्या

यदि तपाँई मोबाईल छेउमा राखेर सुत्नुहुन्छ भनेपनि तपाईको लागी खतरा पनि छेउमै हुन सक्छ । मोबाईल छेउमा राख्दा नोटीफिकेशन अन अफ ,र भाईब्रेशनका कारण निन्द्रा गडबड हुन्छ । निन्द्रा पुरा भएन भने हामीलाई काम गर्न कठीन पर्छ ।

ध्यान दिन नसक्नु

मोबाईलको प्रयोग रातीमा गर्नाले फोकसमा समस्या हुन्छ । यसले हामीमा ध्यान दिने र सुन्ने समस्या उत्पन्न हुन्छ । डिप्रेसन यदि तपाई मोबाइल चलाईरहनु हुन्छ भने तपाईलाई डिप्रेसन भएको हुनसक्छ ।

Comments

Loading...
प्रकाशित मिति ११ असार २०७७, बिहीबार ०५:१०