सेती प्रादेशिक अस्पतालमा परीक्षण गरिएकामध्ये २२ जनामा कोरोना पोजेटिभ

धनगढी – सेती प्रादेशिक अस्पतालको प्रयोगशालामा गरिएको परीक्षणमा थप २२ जनामा कोरोना संक्रमण पुष्टि भएको छ ।

पछिल्लो २४ घण्टामा २०९ जनाको कोरोना परीक्षण गरिएकोमा २२ जनाको नतिजा पोजेटिभ आएको हो ।

अस्पतालले एक विज्ञप्ति जारी गर्दै ८ जना महिला र १४ जना पुरुष गरी २२ जनामा कोरोना संक्रमण पुष्टि भएको जानकारी दिएको हो ।

नयाँ थपिएका संक्रमितहरु अछामका ६६ र ३० वर्षका २ जना महिला र १९,३० र ४० वर्षका ३ जना पुरुष गरी ५ जना छन् ।

त्यसै गरी कैलालीका ४ वर्षकी बालिका र २०,२५,२६, ३२, ३३ वर्षका ५ जना महिला छन् । यस्तै ९ वर्षका एकजना बालक र २०,२०,२४, २६, २७, २८, ३४, ३६, ३७ ३८ वर्षका १० जना पुरुष रहेका छन् ।

 

Loading...
प्रकाशित मिति २३ असार २०७७, मंगलवार ११:०१